Qırımda 2025 senesiniñ ilk yarısı içinde Rusiye arbiyleri eñ az 45 talim keçirdi. Bu aqta Qırımtatar resurs merkezi haber ete.
2024 senesi bu müddet devamında 68 talim keçirildi, 2023 – 10, 2022 – 20.
Qırımtatar resurs merkezi qayd etkenine köre, 2025 senesi talimlerniñ umumiy sayısı keçken senege köre biraz eksilse de, bu qadar büyük arbiy faallik yarımadanıñ muntazam askeriyleştirilüvini köstere.
«2014 senesinden başlap Rusiye işğalci küçleri faal sürette arbiy talimler keçire, arbiy hızmet teşviqatıı yapa ve Qırım sakinlerini Rusiye Federatsiyasınıñ silâlı quvetlerine çağıra. Qırımtatar resurs merkezi qayd etkenine köre, böyle faaliyet halqara uquqnı boza ve yarımadanıñ ekosistemasına tüzetilmeycek zarar ketire», – dep aytıla haberde.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti «Ukrayina uçucısızlarına» qarşı atış, «ava mudafaasınıñ işi» ve Rusiye arbiyleriniñ «talimleri» dep ayta. Yarımadada arbiy hızmetniñ reklaması yapıla ve Rusiye Silâlı Quvetlerine qoşulmağa çağıralar. Aq qorçalayıcılar qayd etkenine köre, böyle areketler halqara uquqnı boza.
